I have always enjoyed poetry and I was on the hill with the “Poet Laureate frae Dunphail”. We had a great day in the rain that involved a cycle up the Affric track a hidden stalkers path a new Corbett for Babs and a poem! In all a great day.
Oot tae the hills wi ma auld freen Heavy
Thank God he’s no a man for the bevvy!
Prior to this we’d made a good plan
But this meant nowt tae the man wi the van!
I turned up to meet him at the time we’d agreed
For aince he wis late, nae quite up tae speed
A’ve got twa bikes here Quine, he announces wi pride
We’ll head for the hill, but first there’s a ride!
Ah’ve nae got a helmet! I shrieked, feeling scared
Dinna fash yersel Quine, Ah’ve come weel prepared
He produces a helmet fur me, Ah’d tae go
Ah weel, it’s a thocht, I’ll jist go with the flow!
We arrived in Glen Affric about quarter tae nine
I convince masel that it’ll a’be fine
I pedal roond the car park tryin tae work the gears
If I figure it oot on flat grun, it might allay ma fears!
Faffin wis deen, and time to go then
Thinkin – nae long tae go, we’ll be there by ten
Cycling up a roch track on a bike I didna ken
The steep hills went up and doon, time and time again
But when the mighty peaks of Glen Affric came into view
Mam Sodhail, Carn Eighe – and in Kintail, majestic Ciste Dubh
The moanin wis ower, I wis feeling so blessed
Let’s take in these hills, Heavy, stop for a rest!
Carn A’Choire Gairbh wis the hill we climbed the day
A hidden track the chosen route to help us on oor way
The weather wisna kind tae us, the rain, the win, the mist,
I wisna affa bothered though, this hill was on ma list!
Up on top the mist a cleared, although it wis real cal
We took oor photos o’ each other, Heavy’s such a pal!
The hills we saw, the memories, o’ days when we were younger,
When off we went to climb Munros wi a passion and a hunger!
Far too chilly tae hing aboot
We were needin oor piece, there wis nae doot,
Doon we went to a place o shelter
Sandwiches eaten, we felt much better
The stalkers’ path wis good, nae roch,
In nae time at a’, we were back at the loch
We picked up oor bikes, oor helmets pit on
Rarin to go fur the final push home
Efter a while, I could hear Heavy cry
“Ma chains come aff!”, he wis getting quite high
He’d had some new troosers fur a metter o weeks
But bikin boy had ripped his breeks!
Catastrophes ower, we pedalled on back
Five mile doon the lochside, we reached the car park
The van ,the toilet, a haven tae see
We finished oor day wi a great cup of tea!
B Kizewski, 11/7/20
Dedicated to my freen Heavy!
Thanks I await the next instalment !