Heavy’s Last Corbett, Creach Bheinn, 25thMarch 2022. A big thanks to all who I enjoyed these hills with over many years.
So Heavy, ye’ve finally made it
It’s taken ye sixty five year
But the Corbetts are for savouring
“There’s nae hurry” is whit Ah hear
Ye winted a very low key affair
But yir numbers grew and grew
Ye couldna keep yir pals awa
Oh no, nae even you!
But secretly we ken ye’re chuffed
Sae many have made it here
Tae be wi’ oor very special freen
Tae climb, then hae a beer!
Selfish, ye’re nae, ye’ve come wi’ me
We made a trip across the sea
Tae Jura for a fine foray
Benn an Oir, a Corbett, whit a day!
We went on foot, we went by bike
Nothin’ wid get in the wye o’ oor hike
Ah’ve loved ma Corbett days wi’ you
Jist remember Ah’ve still got a few tae do!
Ye’ve done sae much, the list gings on
But this ane’s nae tae be sneezed upon
Congratulations, Heavy dear
At long last, ye’re a Corbetteer!
Poem by Babs : Moray Mountaineering Club Poet Laureate many thanks .
Now to get those pesky Munro’s completed again!